राष्ट्रिय प्रत्यारोपण केन्द्रमा मनाइयो विश्व अंगदान दिवस

२८ साउन, काठमाडौं । भक्तपुरस्थित शहीद धर्मभक्त राष्ट्रिय प्रत्यारोपण केन्द्रले विशेष कार्यक्रम गरी विश्व अंगदान दिवस मनाएको छ । बिहीबार भक्तपुरबाट निर्वाचित सांसदहरू रुकेश रञ्जित, राजीव खत्री र गंगा लक्ष्मी अवालसहित विभिन्न व्यक्तित्वहरूको उपस्थितिमा केन्द्रले विश्व अंगदान दिवस मनाएको हो ।

जीवित व्यक्तिबाट अंग निकाली अर्को व्यक्तिमा प्रत्यारोपण गर्नु पर्दा दोहोरो खर्च हुने गरेको केन्द्रकी कार्यकारी निर्देशक डा. कल्पना कुमारी श्रेष्ठले बताइन् । नेपाल जस्तो कम आय भएको मुलुकमा दोहोरो खर्चले प्रत्यारोपण खर्चिलो हुने गरेको उनले सुनाइन् । यदि मस्तिष्क मृत्युपश्चात हुने अंग दानबाट प्रत्यारोपण हुन सकेमा खर्च कम हुने डा. श्रेष्ठको भनाइ छ ।