बाढी र कटानले सुस्तामा दसैँको रौनक हरायो

बडादसैँको रौनकले मुलुकभर खुसी र उल्लास छाइरहेका बेला पश्चिम नवलपरासीको सुस्ता गाउँपालिकाका बासिन्दाका लागि भने यस वर्षको दसैँ खल्लो बनेको छ। केही साताअघि नारायणी नदीमा आएको बाढी र कटानका कारण स्थानीयवासीका घरमा दसैँको रौनक छाउन सकेको छैन। उनीहरू खुसीभन्दा बढी पीडा, अभाव र अनिश्चिततामा छन्।

बाढीले घरभित्र भण्डारण गरेर राखिएका खाद्यान्नमा ठुलो क्षति पुर्‍याएको छ। खेतमा पाक्नै लागेका धानलगायत अन्नबाली बालुवाले पुरिएका छन् भने केरा खेतीमा समेत क्षति पुगेको छ।