कोभिडले त्रिविका सेवा प्रभावित, डिन कार्यालय नै बन्द
nayapatrikadaily.com · Fri Jan 28 01:07:00 GMT 2022
कोभिडको तीव्र संक्रमणका कारण त्रिभुवन विश्वविद्यालयका सेवा प्रभावित भएका छन् । विभिन्न कार्यालयबाट दैनिक रूपमा विद्यार्थीलाई दिइने सेवा कतै त बन्द नै भएका छन् । कतिपय कार्यालय सञ्चालन गर्न नसक्ने भएपछि बन्दको सूचना निकालेका छन् । कतिपय कार्यालय बन्द भएर पुनः सुचारु भएका छन । तर, बन्दपछि खुलेका ती कार्यालयको समेत सेवा प्रभावित छन् ।
त्रिविको मानविकी तथा सामाजिक शास्त्र संकायको डिन कार्यालयबाट दिने सेवा मंगलबारदेखि शुक्रबारसम्म बन्द छ । ‘धेरै कर्मचारी बिरामी भएर काम गर्न नसक्ने अवस्था भएपछि केही दिनका लागि बन्द गर्न लागेको हो,’ डिन प्रा.डा. कुसुम शाक्यले भनिन्, ‘पब्लिकसँग प्रत्यक्ष सम्पर्क हुने भएको बढी जोखिम रहेको छ ।’
स्रोतमा पूरा पढ्नुहोस् (nayapatrikadaily.com)