मेस्सी-रोनाल्डोको अन्तिम विश्वकप भिडन्त सम्भव, तर फाइनलसम्म पुग्नै पर्ने

काठमाडौं– विश्व फुटबलका दुई सर्वकालीन महान खेलाडी लियानेल मेस्सी तथा क्रिष्टियानो रोनाल्डोबीच २०२६ फिफा विश्वकपमा प्रत्यक्ष प्रतिस्पर्धा हुने सम्भावना अझै कायम रहेको छ । तर, यो बहुप्रतीक्षित ऐतिहासिक भिडन्त साकार हुनका लागि अर्जेन्टिना र पोर्चुगल दुवै टोलीले नकआउट चरणका सबै खेल जित्दै फाइनलसम्म पुग्नु पर्ने चुनौतीपूर्ण यात्रा पूरा गर्नु पर्नेछ ।

हाल सार्वजनिक भएको प्रतियोगिताको नकआउट तालिकाअनुसार अर्जेन्टिनाले राउन्ड अफ ३२ मा केप भर्डेसँग प्रतिस्पर्धा गर्नेछ भने पोर्चुगलले क्रोएसियासँग खेल्ने छ ।