आर्सनलसँग स्तब्ध बन्यो सिटी

लण्डन । ग्याब्रियल मार्टिनेलीले खेलको अन्त्यतिर गोल गर्दा साबिक विजेता म्यानचेस्टर सिटी प्रिमियर लिगमा आर्सनलसँग पराजित भएको छ ।

निकै निरस बनेको खेलमा दुवै टोली अङ्क बाँड्ने तयारी गरिरहँदा ८६ औँ मिनेटमा मार्टिनेलीले गोल गरेका थिए । चोटबाट मुक्त हुँदै सब्सटिट्युटका रूपमा मैदान प्रवेश गरेका मार्टिनेलीको प्रहार नाथान आकेलाई लाग्दै जाली चुमेको थियो ।