ओखतीबिनाको इलाज

वीर अस्पतालका एक चिकित्सकले सामाजिक सञ्जालमार्फत आयुर्वेदलगायत प्राकृतिक चिकित्साले क्लिनिकल परीक्षणको आधिकारिक चरण पार नगरेकाले प्रभावकारी नहुने अनि त्यस्ता उपचारले बिरामीमा भ्रम छर्ने बताए।

केही समयपछि आफैं सन्चो हुने रोगीलाई प्राकृतिक उपचारले ठिक गर्‍यो भन्ने अफवाहले औषधि विज्ञानको मर्ममा प्रहार गरेको उनको तात्पर्य देखियो। सिनियर डाक्टरले व्यक्त गरेझैं आयुर्वेदिक उपचार कैफियतपूर्ण चिकित्सा पद्धति नै हो ? के रोगहरू ओखतीबिना ठिक पार्न सकिँदैन ? प्राकृतिक उपचारले रोगीलाई सन्चो पार्छ भने के त्यो इलाज आधिकारिक होइन त भन्ने प्रश्नहरूको उत्तर समेट्नु लेखको लक्ष्य रह्यो।