स्वास्थ्य श्री ब्रान्डको तोरीको तेल अस्वस्थ, बजारबाट फिर्ता लिन निर्देशन

काठमाडौं — खाद्य प्रविधि तथा गुण नियन्त्रण विभागले स्वास्थ्य श्री ब्रान्डको तोरीको तेल न्यूनस्तरको पाइएको भन्दै बजारबाट तत्काल फिर्ता लिन निर्देशन दिएको छ। विभागले सम्बन्धित उत्पादकलाई उक्त तेलको तोकिएको ब्याचका सबै उत्पादन बजारबाट फिर्ता लिन र बिक्री वितरण नगर्न आदेश दिएको हो।

विभागले २०८३ असोज २८ गते जारी गरेको खाद्य पदार्थ फिर्ता (रिकल) सम्बन्धी सूचनाअनुसार बजार अनुगमन तथा निरीक्षणका क्रममा संकलन गरिएको नमुना प्रयोगशालामा परीक्षण गर्दा तोरीको तेल न्यूनस्तरको पाइएको हो।