काठमाडौं र झापाले अंक बाँडे

काठमाडौं : काठमाडौं रेजर्स र झापा एफसीले नेपाल सुपर लिग (एनएसएल) अन्तर्गत सोमबार भएको खेलमा बराबरी खेल्दै अंक बाँडेका छन्। त्रिपुरेश्वरस्थित दशरथ रंगशालामा सोमबार भएको खेलमा साविक विजेता काठमाडौं र झापाले गोलरहित बराबरी खेल्दै अंक बाँडेका हुन्।

नवप्रवेशी झापासँग रोकिँदा काठमाडौंले शीर्ष स्थानको धनगढीसँग अंक बराबरी गर्ने अवसर गुमायो। काठमाडौंले तीन खेलमा पाँच अंक जोडेको छ। तीन खेलमा एक जित र दुई बराबरीको नतिजा निकालेको काठमाडौं तालिकाको चौथो स्थानमा छ। प्रतियोगिताको उद्घाटन खेलमा स्पोर्टिङ इलाम एफसीलाई १–० गोलले पराजित गरेको काठमाडौं दोस्रो खेलमा एफसी चितवनसँग १–१ गोलको बराबरीमा रोकिएको थियो।