क्यान बोर्ड सदस्यमा गुञ्जनको नियुक्ति नौ दिनमै अन्त्य

नेपाल क्रिकेट संघ (क्यान) को बोर्ड सदस्यमा नियुक्त भएको नौ दिनमै गुञ्जन शाह ठकुरीलाई फिर्ता बोलाइएको छ। राष्ट्रिय खेलकुद परिषद् (राखेप) ले उनलाई असोज १९ गते क्यानको बोर्ड सदस्यमा मनोनीत गरेको थियो। तर, नियुक्त भएको नौ दिनपछि नै उनलाई फिर्ता बोलाइएको हो।

राखेपका सदस्यसचिव रामचरित्र मेहताले गुञ्जनलाई मात्रै नभई अन्य खेल संस्थामा मनोनीत भएका व्यक्तिहरूलाई पनि प्राविधिक कारणले फिर्ता बोलाइएको बताए।