ब्याडमिन्टनदेखि क्रिकेटसम्मका पाँच खेल सङ्घका मनोनीत पदाधिकारी फिर्ता

राष्ट्रिय खेलकुद परिषद् (राखेप) ले पाँच राष्ट्रिय खेल सङ्घमा मनोनयन गरेका पदाधिकारीलाई फिर्ता बोलाउने निर्णय गरेको छ। परिषद्को सदस्यसचिवस्तरीय निर्णयबाट ब्याडमिन्टन, सुटिङ, पौडी, क्रिकेट र साइक्लिङ सङ्घका पदाधिकारीलाई फिर्ता बोलाइएको हो।

राखेपको बुधबार बसेको बैठकको निर्णयअनुसार सम्बन्धित सङ्घका विधानमा रहेको व्यवस्थालाई आधार बनाएर उनीहरूलाई फिर्ता बोलाइएको परिषद्ले जनाएको छ। यससम्बन्धी जानकारी सङ्घसंस्था समन्वय शाखाका प्रमुख लीलाराम बस्नेतले हस्ताक्षर गरेको पत्रमार्फत सम्बन्धित व्यक्तिहरूलाई गराइएको छ।