अन्नपूर्ण संरक्षण क्षेत्रमा अनधिकृत ड्रोन प्रयोगमा कडाइ

अन्नपूर्ण संरक्षण क्षेत्र (एक्याप) भित्र सम्बन्धित निकायको पूर्वस्वीकृतिबिना अनधिकृत रूपमा ड्रोन प्रयोग गर्ने क्रम बढेपछि स्थानीय प्रशासन तथा आयोजनाले नियन्त्रण र कानुनी कारबाहीमा कडाइ गरेको छ ।

यसैक्रममा अन्नपूर्ण आधार शिविर (एबीसी) बाट फर्कँदै गरेका बंगलादेशी नागरिकहरूले अनुमति नलिई ड्रोन उडाएको भेटिएपछि उनीहरूको साथमा रहेका दुई थान ड्रोन नियन्त्रणमा लिई कानुनी प्रक्रिया अघि बढाइएको छ ।