अरुण नदीको सतिघाटमा सञ्चालनमा आयो दसैं लक्षित ‘फेरी’

भोजपुर– भोजपुर र सङ्खुवासभालाई जोड्ने अरुण नदीको सतिघाटमा दसैं लक्षित ‘फेरी’ सेवा सञ्चालनमा ल्याइएको छ । यसअघि पक्की पुल नहुँदा आवागमनमा समस्या हुँदै आएकामा पाँच महिनापछि फेरी सेवा सञ्चालनमा आएको हो । दसैँतिहारमा आवागमन सहज बनाउने उद्देश्यले पाँच महिनापछि सेवा सञ्चालनमा आएको हो ।

बर्सातका कारण गत जेठदेखि बन्द रहेको सतिघाट खण्ड बुधबारदेखि फेरी सञ्चालनमा आएपछि भोजपुरको उत्तरी क्षेत्रका नागरिकलाई आवतजावतमा सहज भएको छ । दसैंतिहारलगायत चाडपर्वलाई लक्षित गरी सतिघाटमा हलुका सवारीसाधनलाई नदी वारपार गर्न मिल्ने गरी सेवा सञ्चालनमा ल्याइएको षडानन्द नगरपालिकाका प्रमुख सुरेन्द्रकुमार उदासले बताए ।