धनगढी आउनेलाई स्वागत गर्छौँ, शुल्क उठाउँदैनौँ : नगरप्रमुख हमाल

धनगढी । धनगढी उपमहानगरपालिकाका नगरप्रमुख गोपाल हमालले धनगढी प्रवेश गरेबापत कुनै शुल्क तिर्नु नपर्ने स्पष्ट पारेका छन् ।

धनगढी प्रवेश गर्दा शुल्क तिर्नुपर्ने आशयको भिडियो सार्वजनिक भएपछि नगरप्रमुख हमालले त्यसप्रति आपत्ति जनाउँदै उपमहानगरपालिकालाई प्रवेश शुल्क उठाउने अधिकार नभएको बताएका हुन् ।