नेपाल–चीन परराष्ट्रसचिवस्तरीय बैठक

चिनियाँ अनुदानका परियोजना समयमै कार्यान्वयनमा जोड, बिआरआईबारे मौन, जिडिआईबारे छलफल

नेपाल र चीनबीच परराष्ट्रसचिवस्तरीय द्विपक्षीय कूटनीतिक परामर्श संयन्त्रको १५औँ बैठकमा राजनीतिक, आर्थिक, जनस्तरको सम्बन्धलगायत सबै क्षेत्रमा विस्तृतमा छलफल भएको छ । शुक्रबार बेइजिङस्थित चिनियाँ परराष्ट्र मन्त्रालयमा भएको बैठकमा नेपालले चीनलाई नेपालमा उत्पादित वस्तुको निर्यात सहज बनाइदिन चीनसँग आग्रह गरेको छ । चिनियाँ पक्षले नेपालको विकास तथा समृद्धिका लागि सक्दो सहयोग गर्ने आश्वासन दिएको छ ।