चितवन राष्ट्रिय निकुञ्जमा ई–टिकटिङ सुरु, पर्यटकलाई प्रवेशमा सहज हुने

चितवन । चितवन राष्ट्रिय निकुञ्ज भ्रमण गर्ने पर्यटकले अब अनलाइनबाटै प्रवेश टिकट लिन सक्ने भएका छन्। झन्डै तीन वर्षअघि सुरु गरिएको अनलाइन टिकटको तयारी लामो समयपछि कार्यान्वयनमा आएको हो। निकुञ्जले बिहीबारदेखि परीक्षणका रूपमा सौराहा प्रवेश बिन्दुबाट ई–टिकटिङ सेवा सञ्चालनमा ल्याएको छ।

निकुञ्जका प्रमुख वरिष्ठ संरक्षण अधिकृत डिलबहादुर पुर्जा पुनका अनुसार सुरुमा सौराहा क्षेत्रबाट सेवा परीक्षण गरिनेछ। यसको प्रभावकारिता मूल्यांकन गरेपछि निकुञ्ज प्रवेशका अन्य नाकामा समेत अनलाइन टिकट प्रणाली विस्तार गर्ने योजना छ।