हाम्रो पात्रोको नयाँ सेवा ‘चौतारी मिट’ सार्वजनिक, असीमित समयसम्म भिडिओ कन्फरेन्स गर्न सकिने

काठमाडौँ । सुपर एपको रूपमा परिचित हुँदै आएको ‘हाम्रो पात्रो’ ले नेपाली प्रयोगकर्ताका लागि नेपालमै विकसित नयाँ भिडिओ कन्फरेन्सिङ सेवा ‘चौतारी मिट’ (Chautari Meet) सार्वजनिक गरेको छ । डिजिटल सञ्चारलाई थप सहज, सुरक्षित र प्रभावकारी बनाउने उद्देश्यका साथ यो सेवा सुरु गरिएको हो ।

यो सेवा प्रयोग गर्न प्रयोगकर्ताले कुनै अतिरिक्त एप डाउनलोड गरिरहनु पर्ने छैन । सिधै हाम्रो पात्रो एपभित्रैबाट उच्च गुणस्तरको भिडिओ कन्फरेन्स सञ्चालन गर्न र त्यसमा सहभागी हुन सकिने कम्पनीको भनाइ छ । एन्ड्रोइड र आईओएस दुवै प्लेटफर्ममा उपलब्ध यो सेवा एपको मेनु कार्ड र साइडबारमा समावेश गरिएको छ ।