ट्रम्पको धम्की, इजरायली आक्रमणबाट इरान डराउँदैन : राष्ट्रपति

काठमाडौं– इरानी राष्ट्रपति मसूद पेजेस्कियानले इरानले आफ्नो अधिकारको रक्षा गर्न कुनै पनि हालतमा पछि नहट्ने बताएका छन् ।

उनले राष्ट्रिय सुरक्षा र नागरिकको शान्ति सरकारको प्रमुख प्राथमिकता रहेको उल्लेख गर्दै इरान युद्धका लागि तयार भए पनि वार्ताको बाटो बन्द नगरेको स्पष्ट पारे ।

इरानले इजरायलले आक्रमण जारी राखे अझ कडा जवाफ दिने चेतावनी दिएको छ ।

यसबीच अमेरिकी राष्ट्रपति डोनाल्ड ट्रम्प र इजरायली प्रधानमन्त्री बेन्जामिन नेतन्याहुबीच लेबनान र इरानका विषयमा मतभेद देखिएको चर्चा छ ।

द्वन्द्व पुनः चर्किने आशंकाका कारण अन्तर्राष्ट्रिय बजारमा कच्चा तेलको मूल्य बढेको छ ।

हाल ब्रेन्ट कच्चा तेल प्रतिव्यारेल ९४.३८ डलर र पश्चिम टेक्सास कच्चा तेल ९१.४१ डलरमा कारोबार भइरहेको छ ।

यद्यपि अमेरिका–इरान वार्ता जारी रहेको र असार अन्त्यसम्ममा कुनै निष्कर्ष निस्कन सक्ने संकेत गरिएको छ ।

इरानले भने स्पष्ट सन्देश दिएको छ, देश आफ्नो सुरक्षामा सम्झौता गर्दैन, तर संवादबाट समाधान खोज्ने प्रयास पनि जारी राख्नेछ ।

प्रतिक्रिया दिनुहोस्