‘कृषि उत्पादन निर्यात गर्न सके समृद्धि’

काठमाडौँ, जेठ १९ गते । पूर्वप्रधानमन्त्री तथा नेकपा (एकीकृत समाजवादी) का अध्यक्ष माधवकुमार नेपालले कृषि र सूचना प्रविधिका क्षेत्रका लागि सरकारले आगामी आर्थिक वर्ष २०८१/८२ को बजेटमा गरिएको व्यवस्था अत्यन्तै राम्रो रहेको बताउनुभएको छ ।

गोरखापत्र संस्थानमा ऐतिहासिक फोटो प्रदर्शनी अवलोकनपछि अध्यक्ष नेपालले कृषि, सूचना तथा प्रविधि क्षेत्रमा छुट्याइएको बजेट समय सान्दर्भिक रहेको बताउनुभएको हो । उहाँले भन्नुभयो, “कृषिको आधुनिकीकरणबाटै मुलुकको समृद्धि सम्भव छ, आत्मनिर्भर अर्थतन्त्र बनाउन सक्ने प्रशस्त आधार छन् । अहिले जस्तै फेरि कृषि उत्पादनलाई निर्यात गर्न सकेमा समृद्धि त त्यसै भइहाल्छ ।”