पार्टी फुटाएर विदेशी मालिकलाई खुसी पार्न विशेष महाधिवेशनको नाटक गरियो: प्रकाशमान सिंह

नेपाली कांग्रेसका नेता एवं पूर्वउपप्रधानमन्त्री प्रकाशमान सिंहले पार्टीको विधान र पद्धतिविपरीत विदेशी शक्तिको इसारामा कथित विशेष महाधिवेशनको नाटक मञ्चन गरी कांग्रेसलाई कमजोर बनाउने षड्यन्त्र भएको आरोप लगाएका छन्।

बिहीबार काठमाडौं निर्वाचन क्षेत्र नं. ६ को क्षेत्रीय अधिवेशनलाई सम्बोधन गर्दै नेता सिंहले गगन थापा समूहले गरेको विशेष महाधिवेशन अवैधानिक भएको दाबी गर्दै १४औं महाधिवेशनबाट निर्वाचित कार्यसमितिले गर्ने नियमित महाधिवेशन नै वास्तविक कांग्रेसको आधिकारिक महाधिवेशन हुने जिकिर गरे।