ट्रपको गोप्य नीतिको खुलासा: खाडी क्षेत्रमा शक्तिशाली युएसएस अब्राहम लिंकन रहेको पुष्टि

खाडी क्षेत्रमा बढ्दो तनावका बीच अमेरिकाले यस क्षेत्रमा आफ्नो सैन्य उपस्थिति थप सुदृढ बनाएको छ। अमेरिकी नौसेनाको विशाल विमानवाहक जहाज 'यूएसएस अब्राहम लिंकन' अरब सागरमा तैनाथ भएको पुष्टि भएको हो।

गत जनवरी २६ मा उक्त युद्धपोत खाडी क्षेत्रमा पुगेको खबर सार्वजनिक भए पनि आइतबार बीबीसी भेरिफाईले स्याटेलाइट तस्बिरमार्फत यसको उपस्थिति पुष्टि गरेको छ। ओमानको तटबाट करिब १५० माइल (२४० किलोमिटर) टाढा अरब सागरमा उक्त जहाज देखिएको हो। यसअघिका तस्बिरहरूमा यो जहाज देखिएको थिएन।