प्रथम सुन्दरहरैँचा शैक्षिक महोत्सव सुरु

सुन्दरहरैँचा । यहाँस्थित सुन्दरहरैँचा नगरपालिकाको आयोजनामा ज्ञान र सीपको उत्सव ‘सुन्दरहरैँचा शैक्षिक महोत्सव–२०८२’ आजदेखि सुरु भएको छ ।

तीन दिनसम्म सञ्चालन हुने महोत्सवको उद्घाटन कोशी प्रदेशका मुख्यमन्त्री हिक्मतकुमार कार्कीले गरेका थिए । उद्घाटन समारोहलाई सम्बोधन गर्दै मुख्यमन्त्री कार्कीले शिक्षालाई व्यावहारिक, प्रविधिमैत्री र प्रतिस्पर्धी बनाउन यस्ता कार्यक्रम प्रभावकारी हुने बताए । उनले विद्यालय तहदेखि नै ज्ञानसँगै सीपको विकास आवश्यक रहेको उल्लेख गर्दै महोत्सवले विद्यार्थीमा नवप्रवर्तन र सिर्जनशीलता बढाउने विश्वास व्यक्त गरे ।