मिसेल ओबामाकी आमाको निधन

वासिङ्टन । अमेरिकी पूर्व प्रथम महिला मिसेल ओबामाकी आमा मारियन रोबिन्सनको ८६ वर्षको उमेरमा निधन भएको उनको परिवारले जनाएको छ । एक विज्ञप्तिमा ओबामाले रबिन्सनको शुक्रबार बिहान मृत्यु भएको जानकारी दिएकी हुन् ।

बराक ओबामाको प्रशासनको आठ वर्षको अवधिमा सन् २००९ र २०१७ को बिचमा रोबिन्सन ह्वाइट हाउसमा चर्चित थिइन्। उनले धेरै समय आफ्ना दुई नातिनी, मिसेल र बाराक ओबामाकी छोरी मालिया र साशाको हेरचाहमा बिताइन्।