दसैं मनाउन घर फर्कँदै गरेका यात्रुवाहक बस उदयपुरमा दुर्घटना, एक युवतीको मृत्यु, १५ घाइते

मदन भण्डारी लोकमार्गअन्तर्गत उदयपुरको त्रियुगा नगरपालिका-७ सुर्केमा बिहीबार दिउँसो दसैं मान्न घर फर्कँदै गरेका यात्रु सवार बस दुर्घटना हुँदा एक जनाको मृत्यु भएको छ भने १५ जना घाइते भएका छन्।

काठमाडौंबाट धरानतर्फ जाँदै गरेको बा प्र ०१-००६ ख ८५२२ नम्बरको बस दिउँसो ३:५५ बजे अनियन्त्रित भई सडकमा पल्टिएको थियो।