प्रधानमन्त्री तोक्न सफल, घोषणापत्रमा अलमल

काठमाडौं । निर्वाचित भएर सरकार गठन गरेपछि ‘मुलुक र जनताका लागि के गर्ने ?’ री प्रमुख राजनीतिक दल मतदाताबीच पुगिरहेका छन् । निर्वाचन आयोगले तोकेको समय सीमाभित्र प्रतिबद्धतापत्र सार्वजनिक गर्न असफल प्रमुख राजनीतिक दलका उम्मेदवार नै मत माग्दै घरदैलो कार्यक्रममा व्यस्त छन् ।

आगामी २१ फागुनमा हुने प्रतिनिधिसभा सदस्य निर्वाचनका लागि ३ फागुनभित्र प्रतिबद्धतापत्र सार्वजनिक गर्न निर्वाचन आयोगले दलहरूलाई निर्दे शन दिएको थियो । तर, विघठित प्रतिनिधिसभाका प्रमुख दलहरू नै तोकिएको समय सीमाभित्रमा प्रतिबद्धतापत्र सार्वजनिक गर्न असफल भएका छन् । नेपाली कांग्रेस, नेपाल कम्युनिस्ट पार्टी (एमाले), राष्ट्रिय स्वतन्त्र पार्टी (रास्वपा) नै प्रतिबद्धतापत्र सार्वजनिक गर्न असफल भएका छन् ।