नेता–नेतृत्वप्रति स्थानीयको तीव्र आक्रोश : अनिल हुमगाईंले सार्वजनिक पत्रमार्फत प्रश्न उचाल्दै

काठमाडौँ - स्थानीय युवा तथा सामाजिक अन्तरक्रियावादी अनिल हुमगाईंले राजनीतिक नेतृत्वप्रति कडा आलोचना गर्दै सार्वजनिक पत्रमार्फत आफ्नो असन्तोष व्यक्त गरेका छन्। हुमगाईंले विशेष गरी प्रतिनिधि संजीव ढकाल र वर्तमान नेतृवलाई प्रश्नयोग्य व्यवहारका लागि जिम्मेवार ठहर्याउँदै तत्काल जवाफदेहिता र आत्मसमीक्षा गर्न माग गरेका छन्।

अनिल हुमगाईंले लेखेका छन्, “जबसम्म यो हत्यारालाई भगवान मान्दै बस्नुहुन्छ तबसम्म मलाई छोरो भन्दै फोन मेसेज नगरे हुन्छ। त्यो सहिदको ठाउँमा मुन्द्रु वा मलाई नै राखेर आफुलाई तिनीहरूको परिवार सोचेर हेर्नुहोला — ‘i love you kp ba’ भन्नुभन्दा अगाडि।” उनले थपेका छन् कि आजको सामाजिक सञ्जाल र निजी सन्देशहरू राजनीतिक संवेदनशीलतालाई नबिर्सिएर प्रयोग गर्नुपर्ने हो।