म गाँजा खाने हैन, छुटाउने डाक्टर हो: डा. निकोलस भुसाल

काठमाडौँ । माइतीघरमा बिहीबार भएको प्रदर्शनका क्रममा पक्राउ परेका अभियन्ता डा. निकोलस भुसालले आफूलाई लागू औषध सेवनको आरोप लगाइएकोबारे स्पष्टीकरण दिएका छन् । उनले सामाजिक सञ्जालमार्फत लेख्दै आफू ‘गाँजा खाने होइन, गाँजा छुटाउने डाक्टर’ भएको दाबी गरेका छन्।

भुसालले लेखेका छन्, ‘म सुरक्षित घरमा छु, कोही भ्रममा नपर्नू होला। पहिला पनि फसाउन खोजिएको थियो, अहिले पनि, पहिला पनि मिडिया ट्रायल भएको थियो, अहिले पनि ।’