स्थानीय तह निर्वाचन मिति तय नहुँदै उम्मेदवारी घोषणा, घोराहीको मेयरमा गणेश वेलवासेले स्वतन्त्र उम्मेदवारी दिने

सामाजिक अभियन्ता तथा चलचित्रकर्मी गणेश वेलवासेले आगामी स्थानीय तह निर्वाचनमा घोराही उपमहानगरपालिकाको प्रमुख (मेयर) पदमा स्वतन्त्र उम्मेदवारी दिने घोषणा गरेका छन्।

घोराहीस्थित लिटिल फरेस्ट मा शनिबार आयोजित पत्रकार सम्मेलनमा उनले आफ्नो उम्मेदवारी घोषणा गर्दै उपमहानगरपालिकाभित्र रहेका १९ वटै वडाका नागरिकका समस्या समाधान गर्दै समृद्ध, सुशासित र नागरिकमैत्री नगर निर्माण गर्ने लक्ष्यसहित चुनावी मैदानमा उत्रिएको बताएका हुन्।