कृषि प्रधान देशमै चामल उद्योग आयातित धानमा निर्भर

कृषि प्रधान देश भनिए तापनि नेपालका चामल उद्योगहरू आयातित धानमै निर्भर हुनुपर्ने बाध्यता छ। स्वदेशी धानको उपलब्धता न्यून भएका कारण नेपाली चामल उद्योगहरूले पूर्ण क्षमतामा उत्पादन गर्न सकिरहेका छैनन्।

विराटनगरस्थित पुरानो चन्द्र शिव राइस एन्ड आयल मिलका सञ्चालक नरेश राठीका अनुसार कृषि प्रधान देश भएर पनि नेपाल धानचामलमा परनिर्भर छ। वि.सं. २०१७ सालमा स्थापना भएको उक्त मिल पूर्ण क्षमतामा सञ्चालन नहुँदा पनि आवश्यक धान भारतबाटै आयात गर्नुपर्ने बाध्यता छ।