‘समृद्ध नेपाल, सुखी नेपाली’ को अभियान पछाडि धकेलियो : केपी ओली

नेकपा एमालेका अध्यक्ष केपी शर्मा ओलीले ‘समृद्ध नेपाल, सुखी नेपाली’को अभियान केही दशक पछाडि धकेलिएको बताएका छन्।

उनले यो अभियान असफल वा पराजित नभएको तर लक्ष्य प्राप्तिको यात्रा भने पछाडि धकेलिएको बताए। समाजवादको आधार निर्माण गर्ने क्रममा सरकारले सामाजिक क्षेत्रमा गरेका कामको चर्चा गर्दै ओलीले आफू प्रधानमन्त्री हुँदा सडकमा अलपत्र परेका बालबालिकाको संरक्षण गर्ने घोषणा गरेको बताए।