अध्यादेश, जनताकै लागि क्षेप्यास्त्र

राजनीतिको अन्तिम लक्ष्य सत्ता र त्यसमार्फत देश–समाज परिवर्तन नै हो । व्यक्तिलाई राजनीतिमा सफल बनाउने र सफलताकै सिँढी चढाएर सत्तामा पु-याउने आधार पनि व्यक्तिको स्वच्छ र पारदर्शी कार्यशैलीमा आधारित जनमुखी कार्य नै हो । जनहितको कार्य गर्छ भन्ने जनविश्वास आर्जन गरेकै व्यक्तिलाई जनताले संसद्मार्फत सत्तामा पु¥याउँदै आएका हुन्छन् ।

तर, सत्तामा पुगिसकेपछिको अधिकांश व्यक्तिको कार्यशैली अप्रत्यासित रूपमा परिवर्तन हुँदा जनता निराश बन्दै आएका छन् । अधिकांश व्यक्ति प्रारम्भमा जनताको साझा हुने तर पद हत्याएपछि नातागोता र आफन्तकै बन्ने प्रवृत्तिले हाम्रो राष्ट्रिय राजनीति संक्रमित बन्दै आएको सर्वविदितै छ । स्वार्थ र स्वैच्छाचारिताले सीमा नाघेको छ । लाभलाई सर्वोपरि ठान्ने नेताका निम्ति देश र देशवासीको स्वार्थ गौण बन्दै छ । पदासीन भइरहन जस्तोसुकै हतकण्डा प्रयोग गर्न पनि नेतापछि पर्दैनन् भन्ने पछिल्लो दृष्टान्त प्रधानमन्त्री शेरबहादुर देउवाले दिएका छन् ।