इन्फान्टिनोले मागे आलोचकसँग माफी

विश्व फुटबल महासंघ (फिफा) का अध्यक्ष जियानी इन्फान्टिनोले बिहीबार बसेको संस्थाको सर्वोच्च निर्णयकारी निकाय फिफा काउन्सिलको बैठकमा आफ्ना कडा आलोचकहरूसँग माफी मागेका छन् तर फिफासँग सम्बन्धित र विवादित विषयमा नयाँ विवरण वा कागजात भने प्रस्तुत गरेनन्।

गत जुलाईमा सार्वजनिक गरेर पछि फिर्ता लिइएको चार अर्ब २० करोड अमेरिकी डलरको फिफा विश्वकपको अधिकारमा साझेदारीबारे भने इन्फान्टिनो उल्लेख गरेनन्। व्यावसायिक अधिकार बिक्री योजनाबारे फिफाको काउन्सिल बैठकमा कुनै कागजात प्रस्तुत भएन। गत विश्वकपमा अमेरिकी खेलाडीको कारबाही फिर्ताबारे पनि बैठकमा उनी मौन रहे।