फुटसलमा ४८ टोली, विश्वकपकै शैलीमा प्रतिस्पर्धा

काठमाडौं । विश्व फुटबलको महाकुम्भ फिफा विश्वकपको माहोल विस्तारै तात्न थालेसँगै राजधानी काठमाडौंमा पनि माहोल तातिएको छ। सामाजिक सञ्जाल प्लेटफर्म रुटिन अफ नेपाल बन्द (आरओएनबी) ले आयोजना गरेको ‘५ए साइड ओपन फुटसल प्रतियोगिता’ पेप्सीकोलामा सुरु भएको हो।

प्रतियोगिताको विशेषता भनेकै यसलाई फिफा विश्वकपकै नेपाली संस्करणका रूपमा सञ्चालन गरिएको छ। प्रतियोगितामा सहभागी ४८ टोलीले फिफा विश्वकपमा सहभागी राष्ट्रहरूको प्रतिनिधित्व गर्दै प्रतिस्पर्धा गरिरहेका छन्। ब्राजिल, अर्जेन्टिना, फ्रान्स, स्पेन, जर्मनीलगायत विश्व फुटबलका चर्चित राष्ट्रहरूको नामबाट टोलीहरू मैदानमा उत्रिएका छन्।