सडक र पुलसँगै कृषि उत्पादन बढाउने योजनामा म्याग्दे गाउँपालिका

काठमाडौं – तनहुँको म्याग्दे गाउँपालिकाले भौतिक पूर्वाधार निर्माणसँगै कृषि उत्पादन, बजारीकरण र पशुपालनलाई प्राथमिकता दिएको छ। स्थानीयको आर्थिक अवस्था सुधार गर्न सडक, पुल, खानेपानी र सिँचाइ विस्तारसँगै कृषि यान्त्रिकीकरण, कृषि एम्बुलेन्स, चिस्यान केन्द्र तथा दूधमा अनुदानजस्ता कार्यक्रम सञ्चालन गरिएको गाउँपालिकाले जनाएको छ ।

गाउँपालिकाले एक वर्षको अवधिमा २.७५ किलोमिटर नयाँ सडकको ट्र्याक खोलेको छ भने ४.९५ किलोमिटर सडक ग्राभेल र १४० मिटर सडक कालोपत्र गरेको छ। ग्रामीण बस्तीलाई सडक सञ्जालमा जोड्न र यातायात सहज बनाउन नयाँ सडक निर्माण तथा पुराना सडकको स्तरोन्नति गरिएको गाउँपालिका अध्यक्ष श्रीप्रसाद श्रेष्ठले बताए ।