११ किलो चाँदीका गरगहनासहित एक जना पक्राउ

काभ्रेको धुलिखेल नगरपालिका –०९ काभ्रेभञ्ज्याङस्थित बीपी राजमार्गबाट बिल बिजक नभएका चाँदीका विभिन्न गरगहना तथा तयारी सामानसिहत एक जना पक्राउ परेका छन्।

शुक्रबार अस्थायी प्रहरी पोष्ट काभ्रेभञ्ज्याङबाट प्रहरी सहायक निरीक्षक रामेश्वर पाण्डेको कमाण्डमा खटिएको टोलीले सुमो चेकजाँच गर्ने क्रममा मोरङ उर्लाबारी नगरपालिका –०६ बस्ने अन्दाजी ४४ वर्षीय खगेन्द्र गजमेरले ल्याएको कार्टुनमा बिल बिजक नभएका ११ किलो ६८२ ग्राम चाँदीका विभिन्न गरगहना तथा तयारी सामान फेला परेको हो।