अबैध बाटोबाट यार्सा टिप्न पुगेका १५ जना पक्राउ

सेफोक्सुण्डो राष्ट्रिय निकुञ्ज अन्तर्गतका विभिन्न यार्सापाटन क्षेत्रमा अवैध रूपमा प्रवेश गरेर यार्सागुम्बा संकलन गरिरहेका १५ जना पक्राउ परेका छन् ।

निकुञ्ज कार्यालयका अनुसार नेपाली सेना र निकुञ्ज कर्मचारीको संयुक्त गस्ती टोलीले दुई छुट्टाछुट्टै स्थानबाट उनीहरूलाई नियन्त्रणमा लिएको हो । टोलीमा निकुञ्ज सुरक्षार्थ खटिएको श्रीसंग्राम शार्दुल गुल्मअन्तर्गत सुरक्षा पोष्ट तोइजुमका सुरक्षाकर्मी सहभागी थिए ।