पूर्वराजा ज्ञानेन्द्रले भने – राजनीतिक, संवैधानिक र आर्थिक क्षेत्र अन्योलमा छन्

काठमाडौँ । पूर्वराजा ज्ञानेन्द्र शाहले बडादसैँको अवसरमा देशमा राजनीतिक, संवैधानिक, न्यायिक, आर्थिक तथा सामाजिक क्षेत्र अन्योल र असमञ्जसको अवस्थामा रहेको बताएका छन् । उनले राष्ट्रिय एकता, सामाजिक सद्भाव र देशभक्तिको भावना बलियो बनाउन सबै नेपालीलाई आग्रह गरेका छन् ।

विजयादशमीको शुभकामना सन्देश जारी गर्दै पूर्वराजा शाहले देशमा आएको प्राकृतिक विपत्तिप्रति दुःख व्यक्त गरेका छन् । उनले गत भदौमा आएको भीषण बाढी र असोजमा परेको अविरल वर्षाका कारण जनधनको ठूलो क्षति भएको उल्लेख गर्दै विपत्तिको सामना गर्न सबैलाई एकजुट हुन आह्वान गरेका छन् ।