द्वितीय विश्वयुद्धपछि पहिलोपटक फर्किएको संस्करण, जसले फुटबलको स्वरूप नै बदल्यो

प्रत्येक चार वर्षमा आयोजना हुनुपर्ने फिफा विश्वकपले यसबीचमा निकै लामो समय विश्राम लियो । कारण थियो, दूर्भाग्यपूर्ण द्वितीय विश्वयुद्ध । त्यसैले सन् १९३८ मा तेस्रो संस्करण सम्पन्न भएको १२ वर्षपछि सन् १९५० मा चौथो संस्करण आयोजना भएको थियो ।

चौथो संस्करण जुन २४ देखि जुलाई २६ तारिखसम्म ब्राजिलमा आयोजना भएको थियो । सन् १९५० को फिफा विश्वकपलाई फुटबलको इतिहासमा मात्र होइन, विश्व राजनीति र खेलकुदको पुनर्जागरणको दृष्टिकोणले पनि निकै महत्त्वपूर्ण मानिन्छ ।