तीन महिनामा १८ लाख मोबाइल तस्करी

काठमाडौं : पछिल्लो तीन महिनामा करिब १८ लाख बढी तस्करीका मोबाइल फोन भित्रिएको तथ्य फेला परेको छ। जसमा ३६ लाख ५१ हजार ५८९ आईएमईआई अवैध रूपमा सञ्चालन छन्। यसरी ठूलो संख्यामा अवैध मोबाइल भित्रिंदा ६ अर्बको राजस्व गुमेको दूरसञ्चार प्राधिकरण स्रोतले बताएको छ।

प्राधिकरणले मोबाइल सेटको गैरकानुनी आयात, बिक्री वितरण तथा प्रयोगलाई निरुत्साहित गर्न २०७९ भदौ ३० मा मोबाइल डिभाइस म्यानेजमेन्ट सिस्टम (एमडीएमएस ) लागू गरेको छ । यसबीचमा करिब ६ हजार आइफोन १४ भित्रिएको छ। यसमा १२ हजार आईएमईआई सञ्चालित छन्। नेपालमा १४ लाख ७५ हजार आईएमईआई एमडीएस प्रणालीमा दर्ता भएका छन्। त्यसमा १३ हजार ४८९ व्यक्तिगत रूपमा दर्ता भएको प्राधिकरणले जनाएको छ। यसरी हेर्दा दर्ताभन्दा दोब्बर अवैध रूपमा फोन आईएमईआई भित्रिएको छ।