दसैँको शुभकामना दिँदै पूर्वराजा शाहको आह्वान– ‘शोकलाई शक्तिमा बदलेर अघि बढौँ’

काठमाडौँ । पूर्वराजा ज्ञानेन्द्र शाहले विजया दशमी २०८३ को अवसरमा स्वदेश तथा विदेशमा रहेका सम्पूर्ण नेपालीलाई दसैँको शुभकामना दिँदै राष्ट्रिय एकता, आत्मनिर्भरता र पुनर्निर्माणमा जोड दिएका छन्।

शुभकामना सन्देशमार्फत शाहले प्राकृतिक विपद्बाट नागरिकले भोग्नुपरेको पीडा, मुलुकको राजनीतिक अस्थिरता तथा आर्थिक–सामाजिक अवस्थाप्रति चिन्ता व्यक्त गरेका छन्। उनले विपद्बाट उत्पन्न शोक र पीडालाई शक्तिमा रूपान्तरण गर्दै अघि बढ्नुपर्ने बताएका छन्।