पूर्वराजाको भारत भ्रमण र नरेन्द्र मोदीका सहोदर भाइको नेपाल भ्रमण संयोगवश कि योजनाबद्ध ?

भारतीय प्रधानमन्त्री नरेन्द्र मोदीका सहोदर भाइ प्रह्लाद मोदी अहिले चारदिने नेपाल भ्रमणमा छन् । विश्व हिन्दु महासंघ भारत च्याप्टरका अध्यक्षसमेत रहेका मोदीको भ्रमण रूपमा ‘धार्मिक भ्रमण’ भनिए पनि सारमा उक्त भ्रमण ‘राजनीतिक भ्रमण देखिएको छ ।

विश्व हिन्दु महासंघ भारतका महासचिव आशु मोंगियासँगै आएका प्रधानमन्त्री मोदीका काइँला भाइ प्रह्लादले काठमाडौंमा आएर पशुपतिनाथको दर्शन तथा पूजाआजा मात्र गरेनन् । उनले काठमाडौंमा विभिन्न पार्टीका शीर्ष नेताहरुसँगको राजनीतिक भेटघाटलाई पनि उत्तिकै महत्व दिएका छन् ।