खेलकुद परिषद्ले गर्यो योजना कार्यान्वयनको जिम्मेवारी बाँडफाँट

कास्की । गण्डकी प्रदेश खेलकूद परिषद्ले चालू वर्षका योजना कार्यक्रम कार्यान्वयन तथा सम्पादन गर्नका लागि जिम्मेवारी तोकेको छ । परिषद्को आज सम्पन्न कार्यकारी समिति बैठकले विभिन्न २८ वटा योजनाका लागि संयोजक तोकेर जिम्मेवारी बाँडफाँट गरेको हो ।

प्रदेशको खेलकुद विकासका लागि आर्थिक वर्ष २०७८/०७९ का लागि प्रदेश र सङ्घीय सरकारबाट विभिन्न योजनामा प्राप्त बजेटसँगै योजना कार्यान्वयनका लागि परिषद्का सदस्यलाई जिम्मेवारी सुम्पिएको सदस्य सचिव तेजबहादुर गुरुङले जानकारी दिए ।