एकता महाधिवेशनबाट नेतृत्वका लागि तयार छु : विनोद कुँवर

काठमाडौँ । सर्वोच्च अदालतको परमादेशअनुसार गठन भएको गैरआवासीय नेपाली संघ (एनआरएनए)को उच्चस्तरीय समितिले एकताको महाधिवेशन तोकिएको समयमै हुने स्पष्ट गरेको छ । समितिले मे महिनाको ३, ४ र ५ तारिखमा काठमाडौँमा भौतिक उपस्थितिमै एकताको महाधिवेशन गर्ने बताएको हो ।

त्यसका लागि समितिले आफ्नो कामलाई तीव्रता दिएको छ भने केही समयअघि समितिका संयोजक डा शेष घले, सदस्य विनोद कुँवरलगायत अभियन्ताले एकता महाधिवेशनकै सिलसिलामा विश्वका विभिन्न देशमा भ्रमण गरेका थिए । सो क्रममा उनीहरूको आतिथ्यतामा एनआरएनएको एकताका सन्दर्भमा ती देशका अभियन्ताहरूसँग छलफल भएको थियो ।