सेनेटरी प्याड स्टोरमा राख्दाराख्दै म्याद गुज्रियो, विद्यालयमा अभाव हुँदा छात्रा प्रभावित

२६ जेठ, बैतडी । बैतडीको शिवनाथ गाउँपालिका अन्तर्गतका विद्यालयमा सेनेटरी प्याड अभाव हुँदा किशोरीहरू महिनावारीका बेला समस्यामा परिरहेका छन् । आधारभूत स्वच्छता सामग्री नियमित रूपमा उपलब्ध नहुँदा छात्राहरुको उपस्थिति र अध्ययन निरन्तरता प्रभावित भएको शिक्षकहरू बताउँछन् ।

गाउँपालिकाले आर्थिक वर्ष २०८०/८१ मा करिब १५ लाख रुपैयाँ खर्च गरेर सेनेटरी प्याड खरिद गरेको भए पनि ती सामग्री विद्यालयसम्म नियमित रूपमा पुग्न नसक्दा अभाव चुलिएको हो । विद्यालयमा एकपटक मात्र वितरण भएको र त्यसपछि लामो समयसम्म आपूर्ति नहुँदा मौज्दात सकिएको शिक्षकहरूको भनाइ छ ।