पत्रकारिताको बिँडो धान्ला त डिजिटल मिडियाले ?

सत्य युगमा कुनै पनि स्थानमा भएका घटनाको जानकारी भगवानहरूले ध्यान दृष्टिले हेरेर आफै‌ँ थाहा पाउन सक्थे । तर, त्यसबेला पनि भगवानहरूलाई सूचना उपलब्ध गराउने पेसा अपनाएर आफूलाई स्थापित गरेका थिए नारदमुनिले । सायद, यो सृष्टिको पहिलो पत्रकार नारदमुनि नै थिए ।

सत्य युगपछि त्रेता र द्वापर युगमा समाचारदाताको महत्व बढेर गयो । किनभने ध्यान दृष्टिले हेर्ने क्षमता क्रमशः थोरै मानिसमा सीमित भएर गयो । जस्तो द्वापर युगमा कुरुक्षेत्रमा भएको महाभारतको लडाईं हस्तिनापुरमा राजा धृतराष्ट्रलाई सञ्जयले सुनाएका थिए । आँखाले नभ्याउने स्थानमा भएको घटना देख्न सक्ने क्षमता उनमा मात्र थियो ।