‘म उद्यमी’ ट्रेडमार्कसहित महिला उद्यमीका उत्पादनहरूको प्रदर्शनी गरिने

३० असोज, ललितपुर । देशभरका महिला उद्यमीहरूको प्रतिनिधित्व गर्ने छाता संस्थाको रूपमा स्थापित महिला उद्यमी महासंघ नेपालले सरकारबाट ‘म उद्यमी’ ट्रेडमार्क प्राप्त गरेको छ । महासंघले २३ वर्षदेखि महिला उद्यमशीलताको विकास र प्रवद्र्धनको क्षेत्रमा निरन्तर रुपमा कार्य गर्दै आइरहेको छ ।

महिला उद्यमीहरुका उत्पादनहरुको प्रवद्र्धन र बजारीकरणलाई सहयोग गर्नको लागि सरकारबाट ट्रेडमार्क प्राप्त गरेसँगै महासंघले उत्पादनको सामूहिक प्रदर्शनी कार्यलाई अघि सारेको छ । ‘म उद्यमी’ ट्रेडमार्कको साथमा महिला उद्यमीहरुले उत्पादन गरेका आफ्ना वस्तुहरु प्रदर्शनी गने भएका छन् ।