नीति निर्माणको विषय ओझेलमा पर्ने गरी नेतृत्वको बहसलाई चर्चामा ल्याउने कोसिस भयो : शंकर पोखरेल

काठमाडौं । नेकपा (एमाले)का महासचिव शंकर पोखरेलले पार्टीको नीति निर्माणको बहस ओझेलमा पर्ने गरी नेतृत्वको बहसलाई चर्चामा ल्याउने कोसिस भएको टिप्पणी गरेका छन् । शुक्रबारबाट सुरु भएको विधान महाधिवेशनमा सांगठनिक प्रस्ताव प्रस्तुत गर्दै उनले पूर्वराष्ट्रपति विद्यादेवी भण्डारीका विषयमा भएको चर्चाबारे त्यस्तो टिप्पणी गरेका हुन् ।

"प्रथम विधान महाधिवेशन नीति–निर्माणमा नै केन्द्रित रह्यो । दोस्रो विधान महाधिवेशनको पूर्वसन्ध्यामा आइपुग्दा पुनः नीति–निर्माणको विषय ओझेलमा पर्ने गरी नेतृत्वको बहसलाई चर्चामा ल्याउने कोसिस भयो," उनले भनेका छन् ।