यात्रुको राहदानीमा ‘सर्त’ लेख्ने २ अध्यागमन अधिकृत विमानस्थलबाट हटाइए

काठमाडौँ । पर्यटक भिसामा युएई जानेहरूको पासपोर्टमा ‘सर्त’ उल्लेख गरेर मात्रै प्रस्थान अनुमति दिएको घटनामा अध्यागमन विभागले छानबिन पुरा गरेको छ ।

अन्तर्राष्ट्रिय विमानस्थल अध्यागमन कार्यालयका कर्मचारीहरूले यात्रुको राहदानीमा ‘नट फर वर्क, ओन्ली भिजिट’ र ‘युएई भ्रमण मात्र, रोजगारी पूर्ण रूपमा निषेधित छ’ भनेर सर्त उल्लेख गरेका थिए । सो घटना सार्वजनिक भएपछि चर्को आलोचना भएको थियो ।