अन्तरदेशीय विद्युत् व्यापारमा निजी क्षेत्रलाई पनि अवसर, आशयपत्र जारी गर्ने मन्त्री श्रेष्ठको निर्णय

नेपालमा अन्तरदेशीय विद्युत् व्यापारको तयारीमा पहिलोपटक निजी क्षेत्रलाई समेत सहभागी गराउने बाटो खुलेको छ। ऊर्जा, जलस्रोत तथा सिँचाइ मन्त्री विराज भक्त श्रेष्ठले शुक्रबार निजी कम्पनीलाई विद्युत् व्यापारको पूर्वतयारीका लागि सैद्धान्तिक सहमति प्रदान गर्ने आशयपत्र जारी गर्ने निर्णय गरेसँगै निजी क्षेत्रका लागि नयाँ व्यावसायिक अवसर सिर्जना भएको हो।

यस निर्णयले हालसम्म विद्युत् उत्पादनमा मुख्य रूपमा केन्द्रित निजी क्षेत्रलाई अब सम्भावित बजार खोज्ने, स्वदेशी तथा विदेशी साझेदार पहिचान गर्ने र विद्युत् खरिदबिक्रीका लागि आवश्यक सम्झौताको तयारी गर्ने अवसर प्रदान गर्नेछ।