एन्फा अध्यक्ष नेम्वाङ र महासचिव राई फिफा विश्वकप हेर्न जान पाएनन्, अध्यागमनमै रोकिए

काठमाडौं - आउँदो बिहीबारदेखि अमेरिका, मेक्सिको र क्यानडामा सुरु हुन लागेको फिफा विश्वकप २०२६ मा सहभागिता जनाउन जान लागेका अखिल नेपाल फुटबल संघ (एन्फा)का अध्यक्ष पंकजविक्रम नेम्वाङ र महासचिव किरण राईलाई अध्यागमन विभागले रोकेको छ । योसँगै उनीहरू विश्वकप हेर्नबाट वञ्चित भएका छन् ।

मंगलबार (जेठ २६) बिहान उनीहरू मेक्सिकोमा हुने उद्घाटन समारोहमा भाग लिन जान त्रिभुवन अन्तर्राष्ट्रिय विमानस्थल पुगेका थिए । तर, अध्यागमन विभागमा उनीहरू कालोसूचीमा कायम रहेका कारण फर्कन बाध्य हुनुपर्‍यो ।