मोबाइल फोन नष्ट : डाटा दुरुपयोग भए कसले लिन्छ जिम्मा ?

हेटौंडा । सिरहा जिल्लामा एसईई र कक्षा–१२ को परीक्षाका क्रममा परीक्षा हलभित्र मोबाइल फोन लिएर प्रवेश गरेका विद्यार्थीहरुबाट जफत गरिएका ४ सय ९६ वटा मोबाइल जिल्ला प्रहरी कार्यालय सिरहाले नष्ट गरेपछि त्यसको तीव्र विरोघ जारी छ ।

परीक्षाको मर्यादा उल्लंघन रोक्न मधेस प्रदेशका शिक्षा तथा संस्कृतिमन्त्री रानी शर्मा तिवारीको ‘निर्देशन’ अनुसार कारबाही गरिएको जिल्ला परीक्षा समन्वय समितिले जनाएको छ । समितिको निर्णयअनुसार पाँच सदस्यीय उपसमितिको समन्वयमा ती मोबाइल तथा स्मार्ट वाचहरुलाई २४ घण्टा पानीमा डुबाएर प्रयोग गर्न नसकिने अवस्थामा पु¥याई नष्ट गरिएको हो । नष्ट गरिएका सामग्रीमा ७ वटा आइफोन, ४ सय ८९ वटा एन्ड्रोइड मोबाइल र ५ वटा स्मार्ट वाच छन् । यसको कुल मूल्य करिब एक करोड बढी अनुमान गरिएको छ ।